शारीरिक चाचणी- कशी कराल तयारी?
हजारोंच्या संस्थेने विद्यार्थी आल्यास पिण्याच्या पाण्याची व्यवस्थादेखील कोलमडण्याची शक्यता असते, तसेच या ठिकाणी पाणी विकत घेण्याची सोयदेखील अपुरी पडू शकते. यामुळे शारीरिक चाचणीची तयारी उमेदवारांनी विपरीत परिस्थिती लक्षात घेऊन करावी. शारीरिक चाचणीचे ठिकाण जिल्हा केंद्रात असते. त्यामुळे काही विद्यार्थ्यांना दोन-तीन तासांचा प्रवास करून येथे पोहोचावे लागते. परिस्थितीचा अंदाज घेऊन शारीरिक चाचणीचे प्लॅनिंग करावे.
१] आहार किंवा जेवण
व्यायाम सुरू केल्यावर पुरेसा आणि योग्य आहार घेणे महत्त्वाचे आहे. शाकाहारी असल्यास दूध, डाळी, फळभाजी (पडवळ, भोपळा, सुरण वगैरे) शेंगभाजी (गवार, फरसबी वगैरे) यांचे योग्य प्रमाणात सेवन करावे.
दिवसातून एकदा पालेभाजी खावी. मांसाहारामध्ये अंडी, मासे यांचा समावेश आहारात करावा. न्याहारीच्या वेळी मोड आलेले कडधान्य खावे. तेलकट, मसालेदार पदार्थ खाण्याचे टाळावे. त्या त्या ऋतूमधील फळे खावीत.
सरावाच्या दरम्यान थकवा जाणवत असल्यास वैद्यकीय सल्ला घ्यावा.
2] शारीरिक चाचणीचं नियोजन कसे करावे ?
भरतीच्या जाहिरातीच्या २ ते ३ महिने आधी या काळापासून शारीरिक चाचणीची तयारी सुरू करावी.
अ] शारीरिक चाचणीमधील तपशिल:
१]१६०० मीटर धावणे
२] लांब उडी
३] गोळाफेक
४] १०० मीटर धावणे
५]पूल अप्स
या इव्हेंट चा सराव करताना सुरुवात हळू हळू करून शेवटच्या दिवसांत वेग वाढवावा. शरीरालासुद्धा बदल अंगवळणी पडणे आवश्यक आहे.
धावण्याच्या स्पर्धेतील दम वाढण्याच्या दृष्टीने चढावावर किंवा डोंगर उतारावर धावण्याचा सराव करावा.
सुरुवातीच्या दिवसांत सकाळी व दुपारच्या अशा दोन वेळांत वेळात सराव करावा. (साधारणत: शारीरिक चाचण्या सकाळी व दुपारच्या वेळात होतात.)
सरावाच्या वेळी, तसेच चाचणीच्या वेळी योग्य पेहराव (हाफपॅण्ट, टीशर्ट वगैरे) करावा.
ब] योग्य बुट पायात वापरावेत.
चाचणीच्या वेळी पिण्याचे पुरेसे पाणी, ग्लुकोन-डी वगैरे घरूनच घेऊन यावे.
चाचणीच्या ठिकाणी हजर राहण्याची वेळ आणि प्रत्यक्षात आपल्या चाचणीची वेळ यामध्ये बराच वेळ जाऊ शकतो. यासाठी खाण्याचे योग्य पदार्थ बरोबर बाळगावेत.
शक्य असल्यास फ्रूट ज्यूस बरोबर ठेवावा. केळं हे तात्काळ ऊर्जा देणारे फळ आहे. तेसुद्धा खाण्यास हरकत नाही.
उन्हाचा ताप कमी होण्यासाठी टोपीचा वापर करावा.
चाचणीच्या आदल्या दिवशी पुरेशी विश्रांती घ्यावी.
चाचणीच्या अगोदर हलका वॉर्मअप करावा.
सरावाच्या वेळी रस्त्यावरूनही (वनरक्षकासाठी अत्यावश्यक) धावावे.
प्रथमोपचाराचं साहित्य जवळ ठेवावे.
शारीरिक क्षमता वाढविण्यासाठी रोज साधारणत: ३५ ते ४० मिनिटे जलद चालणे/ धावणे हा व्यायाम करावा. बरोबरीने ११ सूर्यनमस्कार, २५ दंड (पूल अरस), ५० बैठका इतका व्यायाम पुरेसा आहे. तसेच सर्व वर्कआऊट झाल्यानंतर स्ट्रेचिंग करावे .
गोळाफेकीसाठी स्पर्धेच्या वेळी वापरण्यात येणाऱ्या वजनाच्या गोळ्यानेच सराव करावा.
१०० मी., २०० मी., ४०० मी. वगैरे अंतराच्या धावण्याच्या चाचणीचा सराव घड्याळ लावून करावा.
धावणे, उंच उडी, लांब उडी, गोळाफेक यांसाठी योग्य व्यक्तीचे मार्गदर्शन घ्यावे.
